Método

Método Preguntanan

Na prome instansio a informa tur partido di e inisiativa VotaSabí I a aserka kada personalmente pa kontribui. Ademas a pidi pa tin un kontakto ku ta atende tur korespondensia. A puntra kada partido manda nos nan programa di partido (tantu na Papiamentu ku na Hulandes), logo di e partido di kalidat haltu I e wepsait di e partido. A puntra tambe pa e partido nan manda un lista di topiko ku e partido ta hanja importante den e elekshon aki, komo inspirashon pa e lista di preguntanan.

Depues VotaSabí a aserka diferente periodista, sientifiko i hefe di redakshon na Korsou pa duna input (enteramente na nivel personal I kompletamente anonimo) riba temanan relevante pa e elekshon i pa duna feedback riba e preguntanan pa e partidonan. Naturalmente di manera imparsial.

For di e konsulta ku tur e koleboradornan a Sali un lista di 43 pregunta. E 43 preguntanan a wordu manda pa tur e 13 partido politiko ku petishon pa responde esaki nan dentro di 4 dia di trabou. Pa motibu di e welga general ku a tuma luga, e deadline a wordu ekstende pa 1 dia. Despues di e fecha aki no  ta por a garantisa ku e kontestanan lo wordu inklui den e prome vershon di VotaSabí.

A pidi pa e partido pa konsulta e preguntanan internamente I duna kontesta ku ta kuadra ku nan programa di partido. E partidonan por alkara nan kontesta nan den Papiamentu i Hulandes ku maksimo 340 karakter.


Kontesta

Pa kada pregunta tin kuater diferente posibilidat pa kontesta ku ta kuadra ku e kuater posibel respuesta nan ku e usuarionan por yena den VotaSabí.

- Si

- No

- Neutral

- No yena kontesta (pa usuario: Salta)


Konteo di punto

Pa kalkula puntuahe VotaSabí ta hasi uso di e algoritmo ku Sven Zemantek, e programado tras di e software di VotaSabí. Pa kada pregunta ta asigna punta na partido dependiendo e komparashon ku e kontesta di e usuario. E puntonan ta wordu konta de lo siguiente:

- Mes un posishon: 2 punto

- Si versus Neutral: 1 punto

- No versus Neutral: 1 punto

- Si versus No: 0 punto

- S/No/Neutral versus No yena kontesta: 0 punto

- Salta: Ta ignora e regunta den konteo di punto

 

download Excel (2017)
download Excel
 (Elekshon 2016)

 

Kondishon di uso
Kondishon di uso

Kondishon di uso pa www.VotaSabi.com

VotaSabí ta mantene e derechi hasi kambio na kualkier parti of kita kualkier parti di e programa sin mester duna kuenta.

Responsabilidat limita

VotaSabí ta hasi esfuerso pa mantene e kontenido di e wepsait aktual sino agrega aserka. Sinembargo ta posibel ku e kontenido no ta kompleto of inkorekto.

Ta ofrese e material nan riba e wepsait sin ningun garantia of derecho di demanda riba eksaktitud. E material po wordu kita sin notifikashon di antemano dor di VotaSabí.

Tur e informashon por kontene eror.

VotaSabí no ta responsabel pa e kontenido riba wepsait ku nos ta duna un link na dje.

Demas

E kondishon di uso por kambia kada pasa tempu.