Komunikado di Prensa

 

Tópiko komunikado di prensa: VotaSabí ta online pa e elekshon di parlamento di 28 di aprel 2017!

Apresiabel redakshon, apresiabel periodistanan, apresiabel votadornan,

E version nobo di VotaSabí pa elekshon di parlamento riba 28 di aprel 2017 a kaba di lansa riba www.votasabi.com. Pa medio di e komunikado akí nos ke bai mas profundo riba e version nobo di VotaSabí ku a keda realisá. Pa mas informashon nos ta referí boso na nos komunikadonan Timothy Huyzen (tel. 5250 788) i Gerbrand van den Eeckhout (tel. 5225 827) òf por tuma kontakto ku nos via e email adrès info@votasabi.com.

Idiomanan
E aña aki Votasabí no ta solamente disponibel na Papiamentu i Hulandes, pero tambe na Ingles. A disidí di tuma desishon aki pa duna mas tantu hende posibel e oportunidat pa hasi uzo di VotaSabí, asta si Papiamentu of Hulandes no ta nan idiomanan prinsipal.

Ponensianan realisá
Enbes di e 43 preguntanan ku a keda lansá biaha pasá( kaminda por a kontestá ku si, nò òf neutral), VotaSabí ta hasi uzo di 40 ponensia ku por kontestá ku akuerdo, desakuerdo i neutral. E ponensianan aki keda realisá kompletamente independiente ku ayudo di un pènel di sientifikonan local. E sientifikonan aki riba boluntat propio, pues anónimo a komprometé nan ayudo na VotaSabí. A base di problemanan ku a presentá den e delaster tres pa kuator lunanan un selekshon di topikonan relevante pa ku e version nobo di VotaSabí kompara ku e version anerior. E pènel huntu ku e desaroyadonan di VotaSabí a kombertí a topikonan aki den ponensianan. Esaki a sosode sin ningun kontribushon di afó i kompletamente indepiendente.

E ponensianan aki a keda mandá na e partidonan partisipante ku e petishon pa wak e ponensianan interno i pa kontesta esaki di akuerdo ku nan programa polítiko. Tur partido a haña permit pa duna un aklarashon chikitu a base di nan kontesta, tantu Papiamentu, Ingles i Hulandes. Nos a transferí e aklarashonan aki 1 pa 1 riba VotaSabí i no a tradusí esaki den e idiomanan konserní.

Manera biaha pasa, a duna kuater dia disponibel pa kontestá e preguntanan ku e proposishon pa kontestá esaki pa mas tardá djaluna 17 di aprel. Nos a tene na kuente ku esaki ta kai den e fin di siman di pasku di resurekshon. Pues nos a tuma e desishon pa duna e partidonan oportunidat pa kontestá e preguntanan te ku djabierne 21 di aprel. E partidonan ku a sa di respondé prome ku e fecha konserní, nan respuestanan a keda inkluí den e lastu version di VotaSabí.

Paso VotaSabí ta aspirá transparensia kompletu, nos lo sòru pa tur e kontestanan di e partidonan partisipante ta disponibel online den un excel file den e dianan binidero.

Partidonan
Kompará ku e version anterior di 5 di òktober 2016, e version aki no ta kompleto. Pa motibu di un periodo kòrtiku di preparashon i fakansi di pasku di resurekshon, a parse ku e partidonan no a haña sufisiente tempu pa kontestá i entregá e 40 ponensianan. Pa e motibu aki VotaSabí ta kuminsa ku un grupo mas chikí di partído kompara e bes anterior, esta Frente Obrero/P.A.N., MAN, Un Korsou Hustu i PAR. Sinembargo VotaSabí te ku e dia di elekshon lo keda retoká 1 bes pa dia pa inkluí partidonan nobo.

Segun VotaSabí komunikadó Timothy Huyzen ta bisa lo sigiente: “Nos ta kompronde kompletamente ku tantu e partidonan chikí komo e partidonan grandi tabatatin problema pa entregá nan kontestanan riba e ponensianan den e tempu turbulento aki. Unabes mas nos ke pone énfasis riba e echo ku nos no ta eksluí niun partído i nos ta enkurashá kada partído pa ainda manda nan kontestanan riba e 40 ponensianan.

E uniko partído ku a indiká ku nan no ta partisipá ta Movementu Futuro Kòrsou (MFK) di èks prome minister i lider polítiko Gerrit Schotte. Timothy Huyzen: “Nos ta respetá e desishon di Movementu Futuro Kòrsou (MFK), pa no partisipá ku e version nobo di VotaSabí. Pues si MFK disidí den e dianan binidero ku nan ke partisipá ainda, nos lo inkluí nan den un di nos retokashonan di tur dia.

Follow up: VotaSabí pènel
Bandi di e ayudo di votashon ku a keda lansá VotaSabí ke kuminsá riba un periodo kòrtiku ku un pènel di opinion regularmente, den direkshon di e programa hulandes “EenVandaag Opiniepanel.” E tim di proyekto ta trahando duru riba esaki. E prome indikashonan ta visibel kaba: al final di e ayudo di votashon e votador tin e posibilidat pa pre-registrá su mes pa asina tuma parti den e pènel di opinion. Esaki den breve ta inserá ku den un future sekano, despues di e lansamentu di VotaSabí pènel di opinion, e elektornan pa medio di email regularmente lo keda kontaktá pa asina duna nan opinion tokante asuntunan relevante riba nos isla.

Kon esaki lo den futuro ahinda no ta determina, pero si tin persona ku tin interes den esaki, nan ta kordialmente invita pa pre-registrá nan mes.

VotaSabí ke pone énfasis riba e echo ku e datonan aki na niun manera lo keda kombiná ku e resultado di e ayudo di votashon. Timothy Huyzen: “E privasidat di e elektor ta pone serka nos na prome luga. Nos ta hasi tur kos posibel pa asegurá ku e privasidat aki ta segurisá. Mas fuerte aun, VotaSabí a pèrkurá ku e ta tèknologikamente imposibel pa hasi e kombinashon entre nan dos.”

Gradisimentu
Al final, e team prinsipal di Votasabí kier a gradisí tur e partidonan polítiko, su pѐnel di sientífikonan anto su boluntarionan ku entre otro a yuda ku e trabou duru di tradukson. Timothy Huyzen: Sin e esfuerso boluntario máksimo di tur e hendenan aki lo e tabata imposibel pa kaba lansa e vershon nobo di VotaSabí den tempu kortiku, ta p’esei nos ta gradisí tur hende profundamente pa nanyudansa.

__________________________________________________
Tokante VotaSabí
Votasabí ta e promé ayudo di votashon ku a keda desaroyá pa medio di e elekeshon di parlamento pa País Kòrsou. Despues di e promé vershon eksitoso ku a keda lansá pa medio di e elekshon di parlamento di 5 di òktober 2016, kaminda 13.000 aviso di vota a keda saká, a disidí pa lansa un vershon nobo di Votasabí den tres idioma: Papiamentu, hulandes, i ingles.

Tantu e inisiativa Votasabí komo e inisiadornan ta kompletamente independiente i no ta afiliá ku niun fundashon, partido òf universidat ku eksepshon di Votasabí. Votasabí no a keda finansiá dor niun organisashon. E ‘webhosting’ a keda pagá kompletamente dor di Timothy Huyzen i Gerbrand van den Eeckhout. Tur e trabou pa ku Votasabí, inisiadornan, partidonan políko anto e kontribushon di nos kontaktonan a keda hasí kompletamente riba kontribushon boluntario, sin ku niun sѐn a keda pagá pa algu.

Gustosamente nos ta opserbá ku Votasabí ta un ayudo di votashon ku ta duna e votadó e oportunidat pa kompará su opinion ku esun di e partidonan ku ta parsisipá. Pues Votasabí ta di niun manera un aviso obligatorio, pero eta simpel un oportunidat adishonal pa e votadó hasi uzo di dje pa tuma un desishon tokante su voto pa e elekshon di parlamento di 28 di aprel 2017.

Disclaimer
Disclaimer

Disclaimer voor www.VotaSabi.com

VotaSabí behoudt zich daarbij het recht voor op elk moment de inhoud aan te passen of onderdelen te verwijderen zonder daarover aan u mededeling te hoeven doen.

Beperkte aansprakelijkheid

VotaSabí  spant zich in om de inhoud van de Website zo vaak mogelijk te actualiseren en/of aan te vullen. Ondanks deze zorg en aandacht is het mogelijk dat inhoud onvolledig en/of onjuist is.

De op de Website aangeboden materialen worden aangeboden zonder enige vorm van garantie of aanspraak op juistheid. Deze materialen kunnen op elk moment wijzigen zonder voorafgaande mededeling van VotaSabí.

Alle informatie op de websites van VotaSabí is onder voorbehoud van zet- en typfouten.

Voor op de Website opgenomen hyperlinks naar websites of diensten van derden kan VotaSabí nimmer aansprakelijkheid aanvaarden.

Overig

Deze disclaimer kan van tijd tot tijd wijzigen